KADHO KANGGO BU RIKA
Jam nunjukake
pukul 06.45, kelas VII H wis katon rame. Ana ing pojok kelas, ketok
sagerombolan bocah wadon lagi omong-omongan bab lomba nari.
“Wah ora kerasa ya, jebule dhewe 3 dina maning arep melu
lomba.” Jare Vivi.
“Iyo, dhewe wis saminggu iki aling latian nari.” Jawabe Fika.
Ana 4 bocah sing dadi perwakilane SMP Perdana melu lomba nari
tingkat kabupaten, yaiku, Vivi, Fika, Eli, lan Tika. Papat bocah kuwi saka
kelas VII H.
Pas bocah-bocah lagi sibuk ngobrol, Lisa, ketua kelas VII H
maju ana ngarep kelas lan ngomong.
“Piye kanca-kanca, 3 dina maning Bu Rika arep ulang taun.
Arep ngadho apa dhewe kanggo nunjukake rasa turnuwun lan kapeduliane dhewe
marang Bu Rika?” Sajerone kelas dadi pating rame.
Bu Rika iku wali kelas VII H sing ngrangkep dadi guru seni
tari.
Sadurunge ana sing njawab pitakone Lisa, Kriiiiing!! Bel
tandane mulai jam pelajaran pertama.
“Aku duwe
ide! Piye yen kadho kanggo Bu Rika iku wujude piala?” omonge Tika marang
kanca-kancane wektu istirahat pertama.
“Apa maksudmu Tik? Piala apa?” Takone Eli ora mudeng.
“Oo, aku ngerti maksudmu, piala lomba tari tho sing
kokmaksud?” omonge Fika.
“Iyo, iyo! Betul, betul!” Jawabe Tika kanthi semangat.
“Wah, setuju aku! Kadho kuwi mesti bakal istimewa banget. Apa
maneh Bu Rika iku guru pembimbing tari. Sipp!” sambunge Lisa ora kalah
semangat.
“Oke, yen ngono dhewe kudu sregep latian.” omonge Vivi marang
Fika, Tika, lan Eli.
“Sipp!” jawab cah telu kuwi.
“Lan piye yen bocah-bocah liya sing ora melu tari tuku roti
kanggo meriahake?” usule Lisa.
“Setuju!” jawabe bocah sakelas kompak.
Dina iki
dina perlombaan tari tingkat kabupaten. Kabeh peserta podo tegang. Ora beda
kaya peserta liya, perwakilan SMP Perdana lan guru pendamping, Bu Rika uga
pating ndredeg. Apa maning pas jeneng SMP Perdana disebut kanggo maju pas
giliran nari.
SMP Perdana
nampilake tari Serimpi. Cah papat kuwi pating luwes aling nari lan ketok apik.
Jurine wae ngantek keplok-keplok sing banter pas perwakilane SMP Perdana
rampung nari.
“Wah apik banget mau, muga-muga wae bisa juara siji.” pujine
Bu Rika marang cah papat kuwi sakrampunge perwakilan SMP Perdana mudun
panggung.
“Aamiin buk aamiin.” Jawabe Eli katon seneng.
Kabeh peserta
wis tampil, lan wektu penjurian wis rampung. Iku artine saiki wektune
pengumuman pemenang. Suasana ora kalah tegang kaya mau. Ketok Vivi, Fika, Tika,
lan Eli lagi ndonga supaya menang. Lan pas pengumuman juara sijine, ati bocah
papat kuwi seneng banget. Amarga, sing dadi juara siji yaiku perwakilan saka
SMP Perdana. Cah papat kuwi cepet-cepet munggah panggung lan nampa piala.
Sabanjure
nampa piala lan foto bareng, cah papat kuwi mudun panggung lan ngampiri Bu
Rika. Lan ujug-ujug, saka mburi ana sekitar 6 bocah kelas VII H nyedaki Bu Rika
karo nggawa roti sing nduwure murup geni saka lilin sing bentuke angka 35. Bu
Rika katon kaget.
“Sugeng ambal warsa Bu Rika.” Omonge bocah-bocah kelas VII H
sing ana ing ruangan kuwi.
“Piala niki dipersambahaken kangge Bu Rika.” Omonge Vivi,
Fika, Tika, lan Eli bebarengan karo menehake piala iku nang Bu Rika.
Bu Rika nangis seneng sinambi nampa piala lan nyebul lilin
roti mau. Plok plok plok. Saruangan dadi rame karo keplokan tangan.
Tidak ada komentar:
Posting Komentar